საფეხბურთო კლუბმა “საბურთალომ” თურქული შეკრება გამარჯვებით დაასრულა. გიორგი ჭიაბრიშვილის შეგირდებმა სერბეთის პირველი ლიგის ბინადარ “ნაპრედაკს”, რომელიც წლეულს უმაღლესში გადასვლისთვის იბრძვის, 2:0 მოუგეს. გოლები ანდრო სოფრომაძემ და გიორგი ფანცულაიამ გაიტანეს.

საბურთალოელთა პრეს-სამახურის ცნობით, პირველი ნახევარი გოლების გარეშე დასრულდა, მეორე ტაიმში კი “საბურთალომ” გადამწყვეტი უპირატესობა მოიპოვა. ამგვარად, ქართულმა კლუბმა ორკვირიანი თურქული შეკრება 2 მოგებითა და 3 მარცხით დაასრულა.

დედაქალაქელები სამშობლოში პარასკევს გამთენიისას 03:40 საათზე დაბრუნდებიან და მეორე წრისთვის მზადებას თბილისში გააგრძელებენ. “საბურთალო” პირველ ოფიციალურ შეხვედრას 19 თებერვალს “ცხინვალთან” გამართავს

საბურთალო: გოშაძე, იაშვილი, მარგველაშვილი, თოთაძე, სოფრომაძე, ბიძინაშვილი, ალთუნაშვილი, ელვინი, ხარაიშვილი, ფანცულაია, გოშთელიანი.

მეორე ტაიმში შევიდნენ: ჩოჩიშვილი, შიხაშვილი, ცაცკრიალაშვილი, მამუჩაშვილი, კოხრეიძე.