ბელეკში შეკრებაზე მყოფი თბილისის “დინამო” დღეს მეოთხე სპარინგ-მატჩს მართავს. ქართული გუნდის მეტოქე ბრატისლავის “სლოვანია”. ტესტმატჩის ვიდეო-ჩვენებას დინამოელთა ვებ-გვერდი აწარმოებს

“სლოვანი” 1919 წელს დაარსდა და დღემდე სლოვაკეთისა და ჩეხოსლოვაკიის ფეხბურთის ერთ-ერთ გრანდად ითვლება. “სლოვანი” ერთადერთი კლუბია ამ ქვეყნიდან, რომელსაც ევროთასი აქვს მოგებული. 1969 წელს დინამოელთა დარად, ბრატისლაველებმა უეფას თასების მფლობელთა თასი აღმართეს, თანაც, ფინალში “ბარსელონა” დაამარცხეს.

“ბრატისლავის მეფეები” (“სლოვანის” მეტსახელი) საშინაო მატჩებს პასიენკის სტადიონზე ატარებენ, რომლის ტევადობაც 11 600 გულშემატკივარზეა გათვლილი. მანამდე კი, ბრატისლავის გუნდი 30 000-იან “ტეგელნე პოლეზე” გამოდიოდა.

გუნდის ოფიციალური ფერები ცისფერი და თეთრია. “სლოვანმა” ნახსენები თასების თასის გარდა, 8-ჯერ მოიგო ჩეხოსლოვაკიის ჩემპიონატი და 6-ჯერ – თასი. ბრატისლავურმა გუნდს ასევე 8-ჯერ აქვს მოგებული სლოვაკეთის ჩემპიონატი, სლოვაკეთის თასი 6-ჯერ აღუმართავს, სუპერთასი კი – 3-ჯერ.

სლოვაკეთის მიმდინარე ჩემპიონატში “სლოვანს” 19 ტურში 41 ქულა აქვს მე-2 წრეს მე-2 ადგილზე ხვდება. “სლოვანი” თურქულ შეკრებაზე 1 თებერვლიდან გადის და ორი უგოლო სპარინგიც ჩაატარა, შესაბამისად – კრაიოვას “უნივერსიტატეასთან” და რაზგრადის “ლუდოგორეცთან”.