გამთენიისას ნაციონალური საკალათბურთო ასოციაციის ხუთი შეხვედრა გაიმართა.

“გოლდენ სტეიტმა” შინ “ჰიუსტონს” 123:110 აჯობა. 51 შეხვედრიდან “მეომრებმა” 47 მოიგეს და 4 წააგეს, რაც ნბა-ს ახალი რეკორდია, ასეთი შედეგი აქამდე არცერთ გუნდს არ დაუფიქსირებია. “გოლდენ სტეიტმა” წინა სეზონიდან მოყოლებული სახლში ზედიზედ 42-ე შეხვედრა მოიგო, რაც ნბა-ში მეორე შედეგია. ამ მხრივ რეკორდი 1995/96 წლების “ჩიკაგოს” ეკუთვნის, “ხარებმა” ზედიზედ 44 საშინაო შეხვედრა მოიგეს.

რაც შეეხება “ჰიუსტონთან” მატჩს, “გოლდენ სტეიტი” პირველსავე პერიოდში დაწინაურდა, შემდეგ ტეხასელებმა შეძლეს სხვაობის შემცირება და წინ გასვლაც კი, თუმცა მეოთხე პერიოდში “ოქროს შტატელებმა” გადამწყვეტი უპირატესობა მოიპოვეს. მატჩში ყველაზე მეტი 37 ქულა “ჰიუსტონის” ლიდერმა ჯეიმს ჰარდენმა ჩააგდო, 35 ქულით სტეფ კარი გამოირჩა.

“მაიამი” შინ “”სან ანტონიოსთან” 101:119 დამარცხდა. ტეხასელები შეხვედრის მეორე პერიოდის ბოლოს დაწინაურდნენ, რის შემდეგაც მაიამელები შეხვედრაში წინ აღარ გასულან. მატჩში ყველაზე მეტი 28 ქულა ლამარკუს ოლდრიჯმა ჩააგდო. “მაიამიში” 20 ქულით დუეინ უეიდი გამოირჩა. “სან ანტონიო” 44 მოგებით და 8 წაგებით დასავლეთ კონფერენციაში მეორე ადგილზეა.

“მაიამი” – “სან ანტონიო” 101:119 (24:20, 23:34, 28:31, 26:34)

https://www.youtube.com/watch?v=BpMtrqVNv10

“მილუოკი” – “ბოსტონი” 112:111 (26:30, 27:24, 40:20, 19:37)

https://www.youtube.com/watch?v=qqi9V68VSWw

“ნიუ იორკი” – “ვაშინგტონი” 108:111 (21:35, 29:28, 33:20, 25:28)

https://www.youtube.com/watch?v=iUVqvxcGxkc

“დალასი” – “იუტა” 119:121 (29:21, 29:30, 29:27, 23:32, o.t. 9:11)

https://www.youtube.com/watch?v=LQIcUpZv3Gs

“გოლდენ სტეიტი” – “ჰიუსტონ როკეტსი” 123:110 (42:27, 27:39, 24:27, 30:17)

https://www.youtube.com/watch?v=xHx4SmEZFM8