“სევილიას” აწ უკვე ყოფილი შემტევი გაელ კაკუტა ჩინეთში განაგრძობს კარიერას. 24 წლის ფეხბურთელი “ჰებეი ჩაინა ფორტუნის” რიგებში ჩაირიცხა.

ფრანგმა მოთამაშემ ახალ კლუბთან 2019 წლის 31 დეკემბრამდე გააფორმა ხელშეკრულება. ტრანსფერის ღირებულება 5 მილიონი ევროა.

კაკუტას მიმდინარე სეზონში ტრავმები აწუხებდა. ამის გამო, “სევილიას” მაისური მხოლოდ 5-ჯერ მოირგო და 1 გოლი გაიტანა.

ცნობისთვის, გაელის გარდა, “ჰებეი ჩაინა ფორტუნი” ზამთრის სატრანსფერო პერიოდში სტეფან მბიათი და ჟერვინიოთი გაძლიერდა.