ქართველი ჩოგბურთელები ეკატერინე გორგოძე და სოფო ქვაცაბაია ისრაელის ქალაქ ეილატში ფედერაციის თასის ბატალიების მოლევის შემდეგ, თურქულ ანტალიაში გაემგზავრნენ და მორიგ 10-ათასიან ტურნირში ითამაშებენ.
გორგოძე მე-2 ნომრადაა განთესილი და საწყის რაუნდში კვალიფიკაციის ერთ-ერთ გამარჯვებულ – იტალიელ ნატაშა პილუდუს გაეჯიბრება, მე-4 რეიტინგის მქონე ქვაცაბაია კი იაპონელ სეირა შიმიზუს ეთამაშება.
წყვილთა ტურნირში ქართველ ჩოგბურთელებს პირველი განთესვა გააჩნიათ და ასპარეზობაში პირდაპირ მეოთხედფინალიდან ჩაებმებიან.
