იტალიური “ნაპოლის” სენეგალელი მცველი კალიდუ კულიბალი თავისი გუნდის გულშემატკივრებს მხარდაჭერისთვის მადლობას უხდის. აფრიკელი ფეხბურთელის თქმით, ეს, მის ცხოვრებაში დაუვიწყარი მომენტია.

“ჩემთვის დაუვიწყარი მომენტია. დიდი მადლობა ყველა გულშემატკივარს, რომელიც “სან პაოლოზე” მოვიდა და საოცარი ჟესტით მხარი დამიჭირა. ეს გამარჯვება თქვენია”, - დაწერა კულიბალიმ თავის ტვიტერის გვერდზე.

კვირას, “ნაპოლისა” და “კარპის” თამაშის დაწყებისას, “სან პაოლოს” ტრიბუნებზე შეკრებილმა ტიფოზებმა კულიბალის გამოსახულების მქონე ნიღბები გაიკეთეს. ასეთი ნაბიჯით მათ რასისტული ქმედება გააპროტესტეს და კალიდუ გაამხნევეს, რომელსაც იტალიის ჩემპიონატის წინა ტურში “ლაციოს” ქომაგებმა უსტვინეს.