საქართველოს ეროვნულმა ნაკრებმა რაგბი ევროპის ჩემპიონატის 2016 წლის სეზონი გამარჯვებით დაიწყო. ქართველმა მორაგბეებმა წლის პირველ შეხვედრაში ავჭალის სტადიონზე გერმანიის ნაკრებს 9 ლელო დაუდეს და დიდი ანგარიშით იმარჯვეს.

შეხვედრის საწყის წუთებზე სტუმრებმა ქართველთა შეცდომით ისარგებლეს და ლელო-გარდასახვით დაწინაურდნენ, თუმცა “ბორჯღალოსნებმა” მალევე ყველაფერი თავის ადგილზე დააყენეს - მორკინალების მიერ მოპოვებულმა უპირატესობამ ქულებშიც ჰპოვა ასახვა და შესვენებამდე ბექა გორგაძე, მიხეილ ნარიაშვილმა, გიორგი ნემსაძემ და ანტონ ფეიქრიშვილმა ოთხი ლელო გაიტანეს, რასაც ლაშა მალაღურაძემ სამი გარდასახვა დაურთო - 26:7.

მეორე ტაიმის დებიუტში კვლავ გაჭირდა თამაშის დალაგება, მაგრამ ამჯერად ყველაფერი 10-15 წუთში გამოსწორდა და როგორც ხშირად ხდება ხოლმე, დასკვნით 20-25 წუთში ანგარიშიც შესაბამისად გაიზარდა. ამჯერად ლელოები გიორგი თხილაიშვილმა, ლაშა ლომიძემ (2), ლაშა ხმალაძემ და შალვა სუთიაშვილმა გაიტანეს, მალაღურაძემ 4 გარდასახვა შეასრულა და რაგბი ევროპის ჩემპიონატი საქართველოს ნაკრებმა დიდი ანგარიშით მოგებით და პრემიალური ქულით დაიწყო - 59:7.

2016 წლის რაგბი ევროპის ჩემპიონატი. პირველი რაუნდი

6 თებერვალი. თბილისი. “ავჭალა”. 14:00 საათი

საქართველო - გერმანია 59:7

საქართველო: 15. ბექა წიკლაური (ლოკომოტივი, თბილისი, 23 კეპი, 93 ქულა - 4 ლელო, 11 გარდასახვა, 15 ჯარიმა, 2 არეკნი), 14. გიორგი ფრუიძე (აია, ქუთაისი, 5), 13. დავით კაჭარავა (ენისეი, რუსეთი, 87, 85 - 17 ლ.), 12. ლაშა მალაღურაძე (უგუნდო, 62, 162 - 4 ლ., 29 გ., 25 ჯ., 3 ა.), 11. სანდრო თოდუა (ლელო-სარასენსი, თბილისი, 50, 25 - 5 ლ.), 10. ლაშა ხმალაძე (ლელო-სარასენსი, თბილისი, 39, 25 - 5 ლ.), 9. ვასილ ლობჟანიძე (არმაზი, თბილისი, 10); 1. მიხეილ ნარიაშვილი (მონპელიე, საფრანგეთი, 32, 5 - 1 ლ.), 2. შალვა მამუკაშვილი (გლაზგო უორიორსი, შოტლანდია, 35, 15 - 3 ლ.), 3. ანტონ ფეიქრიშვილი (ბეიონი, საფრანგეთი, 16, 5 - 1 ლ.), 4. გიორგი ჩხაიძე (ლილი, საფრანგეთი, 86, 50 - 10 ლ.), 5. გიორგი ნემსაძე (ტარბი, საფრანგეთი, 54, 45 - 9 ლ.), 6. შალვა სუთიაშვილი (კაპ., ანგულემი, საფრანგეთი, 52, 5 - 1 ლ.), 7. გიორგი თხილაიშვილი (ბათუმი, ბათუმი, 24, 15 - 3 ლ.), 8. ბექა გორგაძე (მონ-დე-მარსანი, საფრანგეთი, 2).

სათადარიგოები: 16. ზურაბ ჟვანია (სტად ფრანსე, საფრანგეთი, 19, 35 - 7 ლ.), 17. კარლენ ასიეშვილი (ბრივი, საფრანგეთი, 16, 5 - 1 ლ.), 18. გიორგი მელიქიძე (სტად ფრანსე, საფრანგეთი, 0), 19. ლაშა ლომიძე (ბეზიე, საფრანგეთი, 15, 10 - 2 ლ.), 20. საბა შუბითიძე (აკადემია, თბილისი, 3). 21. გიორგი ბეგაძე (ყოჩები, ბოლნისი, 40), 22. რევაზ ჯინჭველაშვილი (აია, ქუთაისი, 1), 23. გიორგი აფციაური (არმია, თბილისი, 14).

მატჩის ვრცელ მიმოხილვას მოგვიანებით შემოგთავაზებთ