თურქულ შეკრებაზე მყოფი საფეხბურთო კლუბი “ზუგდიდი” პირველ საკონტროლო მატჩს ქალაქ სიდეში, დღეს, გერმანული “აუერბახის“ წინააღმდეგ გამართავს.
კლუბის პრეს-სამსახურის ცნობით, გუშინ ზუგდიდელ ფეხბურთელებს ორჯერადი ვარჯიშები ჰქონდათ. მთავარმა მწვრთნელმა იური ბაკალოვმა საწვრთნელი პროცესი მთლიანად ტაქტიკურ მომზადებას დაუთმო.
ამასთან, უკრაინელი სპეციალისტი ფეხბურთელებს ამოსუნთქვის საშუალებას აძლევს და დაგეგმილი თამაშიდან გამომდინარე, განრიგიდან ხვალინდელი დილის ვარჯიშები მოხსნა.
“ზუგდიდი”-“აუერბახის“ ტესტ-მატჩი 3 თებერვალს, თბილისის დროით 16:30 საათზე დაიწყება.
