“ბარსელონას” შემტევი ლიონელ მესი 2016 წლის რიოს ოლიმპიურ თამაშებზე არგენტინის ნაკრების შემადგენლობაში არ იქნება. ამის შესახებ O Globo-სთან ინტერვიუში არგენტინელთა თავკაცმა ხარარდო მარტინომ განაცხადა.

მისი თქმით, 2008 წლის ოლიმპიადის გამარჯვებული ფეხბურთელი გადატვირთული საკლუბო სეზონის გამო რიო დე ჟანეიროში გასამგზავრებლად მზად არ იქნება. ამავდროულად, მარტინო არ გამორიცხავს ნაკრებში 2004 წლის ოლიმპიური ჩემპიონის, კარლოს ტევესის გამოძახებას.

შეგახსენებთ, რომ ოლიმპიური ნაკრების შემადგენლობაში მწვრთნელებს 1993 წლამდე დაბადებული სამი ფეხბურთელის შეყვანა შეუძლიათ.