თბილისის “ვითამ” ვთბ-ლიგაში ზედიზედ მე-18 მატჩი წააგო. ქართული კლუბი ახალ სპორტის სასახლეში რუსულ “ხიმკის” დაუხვდა და ევროლიგაში მოთამაშე მეტოქესთან 52:108 (15:32, 11:25, 9:29, 17:22) დამარცხდა.

მასპინძელთა მხრიდან 10-ქულიან ზღვარს 3 კალათბურთელი ასცდა: ვლადისლავ სტარატელევი (14), ანდრე ჯონსი (13) და ომარ ტომასი (11), სტუმრებს კი ჯოშ ბუნმა (25), მარკო ტოდორივიჩმა (21) და ეგორ ვიალცევმა (20) ულიდერეს.

აღსანიშნავია, რომ ხიმკელთა თავკაც რიმას კურტინაიტისისთვის თბილისური მატჩი გამორჩეული გამოდგა. ლიტველმა სპეციალისტმა ვთბ-ლიგაში მე-100 გამარჯვება სწორედ “ვითასთან” იზეიმა და ტურნირის რეკორდიც დაამყარა.