პარიზის საერთაშორისო ტურნირის პირველ დღეს თავისუფალ ჭიდაობაში საქართველოს ნაკრებმა 2 მედალი მოიპოვა.

დაძაბულ ორთაბრძოლაში მონღოლ მეტოქესთან ფინალური შეხვედრა დათმო გიორგი ბრეგაძემ და მეორე საპრიზო ადგილი დაიკავა, ხოლო ლევან მურცხვალაძე (57) მესამე ადგილზე გავიდა.

გუშინვე ხალიჩაზე კახა ელბაქიძე (65) და გიორგი ტიგიშვილი (74) გავიდნენ, თუმცა, უმედლოდ დარჩნენ.

31 იანვარს შეხვედრები დარჩენილ 61-70-86-125 წონებში გაიმართება. საქართველოს ღირსებას დაიცავენ: შოთა ფარტენაძე (61), გიორგი რევაზიშვილი (61), ავთანდილ კენჭაძე (70), არჩილ გიგაური (70), ირაკლი მწითური (86) და ზურიკო ურთაშვილი (125).

www.wrestling.ge