ბოლნისის “სიონმა” ნახევარდაცვა ლაშა გვალიათი გააძლიერა. კლუბის ოფიციალური ვებგვერდის ცნობით, გორის “დილას” 24 წლის ფეხბურთელი “სიონში” იჯარის წესით მიმდინარე სეზონის ბოლომდე ითამაშებს.

გვალიას დებიუტი უკვე შედგა ბოლნისელთა შემადგენლობაში, სომხურ “მიკასთან” 2:0 მოგებულ სპარინგში გუნდის ახალწვეულმა მოედანზე 45 წუთი დაჰყო.

“სიონმა” “მიკასთან” მატჩით საქართველოს ჩემპიონატის მეორე წრისთვის მზადების პირველი ეტაპი დაასრულა და 1 თებერვლიდან შეკრებას თურქეთში განაგრძობს, სადაც 5 ამხანაგურ შეხვედრას გამართავს.