ვეტერანი ბრაზილიელი თავდამსხმელი ადრიანო დიდ ფეხბურთს ოფიციალურად დაუბრუნდა. 33 წლის ფორვარდი ამიერიდან ამერიკულ “მაიამი იუნაიტედის” ღირსებას დაიცავს. ამის შესახებ “მაიამის” ვებგვერდი იუწყება. ბრაზილიელი ამერიკულ გუნდში სეზონის ბოლომდე ითამაშებს.

ადრიანოს, რომელიც ფეხბურთიდან 2014 წელს წავიდა, კარიერის საუკეთესო წლები იტალიაში, კერძოდ, მილანის “ინტერსა” და “პარმაში” გაუტარებია. ბოლოს კი, “ატლეტიკო პარანაენსეში” ირჯებოდა. თავის დროზე ბრაზილიის ნაკრებშიც ირიცხებოდა, რომლის ღირსებაც 67 მატჩში დაუცავს და მეტოქეთა კარში 27 გოლი გაუტანია.