ქართველმა მოჭადრაკე ნინო ბაციაშვილმა (2485) ჰოლანდიურ ვეიკ-ან-ზეეში მიმდინარე საერთაშორისო ტურნირზე ზედიზედ მე-3 მარცხი განიცადა და ლიდერთა ჯგუფს საგრძნობლად დაშორდა.
მე-10 ტურში ბაციაშვილმა შავი ფიგურებით რუს ალექსეი დრეევთან (2644) წააგო და 4.0 ქულით 14 მონაწილეს შორის მე-11 ადგილზე იმყოფება. მე-11 ტურში, რომელიც 29 იანვარს შედგება, ნინო თეთრებით ჰოლანდიელ ერვინ ლ’ამის (2627) ეთამაშება.
ამ დროისთვის ჰოლანდიური ტურნირის ერთპიროვნული ლიდერი ინდოელი ადჰიბან ბასკარანი (2653) გახლავთ 7.5 ქულით. მას ნახევარი ქულით ხსენებული დრეევი ჩამორჩება.
