თბილისის “დინამომ” მთავარი მწვრთნელის თანამდებობაზე იურაი იარაბეკის დანიშვნა ოფიციალურად დაადასტურა. როგორც კლუბის ვებგვერდი იტყობინება, 53 წლის სლოვაკ სპეციალისტთან ერთწლიანი კონტრაქტი გაფორმდა და ახალი მწვრთნელის წარდგენა 27 იანვარს, 13:00 საათზე “დინამო არენას” საპრესკონფერენციო დარბაზში შედგება.

თბილისელთა ახალი დამრიგებელი ბოლოს სლოვაკურ “სპარტაკ ტრნავას” წვრთნიდა.

იარაბეკი “დინამოს” მთავარი მწვრთნელის პოსტზე გია გეგუჩაძეს შეცვლის, რომელიც დღეს საქართველოს 21-წლამდელთა ნაკრების თავკაცად დაინიშნა.