როგორც ბრიტანული გამოცემა Daily Star-ი იუწყება, პსჟ-ს მცველის ტიაგო სილვას წარმომადგენელმა ლონდონის “ჩელსის” ინტერესი დაადასტურა. “არისტოკრატებს სურთ ბრაზილიელი ფეხბურთელი მხოლოდ სეზონის ბოლომდე ინათხოვრონ. იტალიური მედიის ცნობით კი ინგლისელები ფეხბურთელის ყიდვასაც შეეცდებიან.

ბრიტანული გამოცემის ინფორმაციით, ლონდონელები მზად არიან სილვას თვეში 170 000 გირვანქა სტერლინგი გადაუხადონ. მიმდინარე სეზონში ფეხბურთელმა 27 მატჩი ჩაატარა და თავი თითო-თითო გოლითა და საგოლე გადაცემით გამოიჩინა. სილვას სატრანფერო ღირებულება 25 მილიონ ევროს შეადგენს.