“ვალენსიას” დანიელ პარეხო აღარ უკაპიტნებს. აღნიშნული ინფორმაცია კლუბის ოფიციალურმა ვებგვერდმა გაავრცელა.
კლუბის მთავარი მწვრთნელის გარი ნევილის გადაწყვეტილებით, ორმხრივი შეთანხმების საფუძველზე, ესპანელი ნახევარმცველი კლუბის კაპიტნებს შორის აღარ იქნება.
“ღამურების” კაპიტანი ახალგაზრდა ფორვარდი პაკო ალკასერი იქნება. ვიცე-კაპიტანი ალვარო ნეგრედო, ხოლო მესამე და მეოთხე კაპიტნის როლს დიეგო ალვეში და ხავი ფუეგო შეასრულებენ.
