ინგლისის პრემიერლიგის ბინადარ “სუონსი სიტის” ახალი მთავარი მწვრთნელი ჰყავს იტალიელი ფრანჩესკო გვიდოლინის სახით. აღნიშნული ინფორმაცია უელსური გუნდის ვებგვერდმა უკვე დაადასტურა. 60 წლის გვიდოლინი “ლიბერთი სთედიუმზე” 2017 წლის ზაფხულამდე იმუშავებს.
“წვრთნიდე ასეთ კლუბს, ეს დიდი შანსია. ამჟამად გუნდს კარგი პერიოდი არ უდგას, მაგრამ “სუონსი” კარგი გუნდია. “უდინეზეში” ყოფნისას, ვცდილობდით “სუონსის” სტილით გვეთამაშა, როცა ამ გუნდს ბრენდან როჯერსი ედგა სათავეში”, - თქვა წარდგენისას გვიდოლინიმ.
ფრანჩესკო გვიდოლინი ბოლოს “უდინეზეს” ხელძღვანელობდა (2010-2014) წლებში, ხოლო მას შემდგომ უმუშევარი იყო. გარდა ამისა ფრანჩესკოს საკმაოდ წარმატებით სიცილიურ “პალერმოში” უმუშავია, როცა კუნძულეები ხანგრძლივი პაუზის მერე სერია A-ში დააბრუნა. რაც შეეხება “სუონსის”, პრემიერლიგაში 22 ქულით მე-17 ადგილზეა.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
დიდი ვერაფერი მწვრთნელია ის კი მახსოვს 2010-2011 სეზონში უდინეზე მაგრად ათამაშა ლიგაზეც გაიყვანა
მაგარი მწვრთვნელია. მე მევასევა... ჩაიცუცქება ბროვკაზე..
გვიდოლინი მაგარი მასტია,პალერმოში ის შიზოფრენიკი ძამპარინი სისხლს უშრობდა ორშაბათს გააგდებდა ხოლმე და პარასკებს აბრუნებდა ისევ მწვრთნელადDDDD10ჯერ მოხსნენ და 10 ჯერ დანიშნეს პალერმოს მწვრთნელად,წარმატებები გვიდო შენ იცი გაიფინე ეპლი DDDDD