“ქუინზ პარკ რეინჯერსის” აწ უკვე ყოფილი თავდამსხმელი ჩარლი ოსტინი კარიერას “საუთჰემპტონში” გააგრძელებს. როგორც “წმინდანების” ოფიციალური ვებგვერდი იუწყება, ფეხბურთელმა ახალ კლუბთან კონტრაქტი 2020 წლის ივლისამდე გააფორმა.
26 წლის ფორვარდის სანაცვლოდ ქპრ-მ 4 მილიონი ევრო მიიღო. ოსტინი პრემიერლიგაში 28-ნომრიანი მაისურით ითამაშებს.
მიმდინარე სეზონში ჩარლიმ ჩემპიონშიფში 16 მატჩი ჩაატარა და თავი 9 გატანილი გოლით გამოიჩინა.
