მილანის “ინტერის” ცენტრალური მცველი ანდრეა რანოკია უახლოეს მომავალში კარიერას “მილანში” გააგრძელებს. როგორც Sky Sports-ი იუწყება, “როსონერის” სურს იტალიელი ფეხბურთელი სეზონის ბოლომდე იჯარის წესით დაიმატოს და გამოსყიდვის უფლებაც დაიტოვოს.

როგორც ცნობილია, “ნერაძურისაც” სურს იტალიელი გუნდიდან გაუშვას. 27 წლის მოთამაშისადმი ინტერესს “ლივერპული”, “ნორვიჩი”, “სამპდორია” და “ატალანტა” იჩენენ.

მიმდინარე სეზონში რანოკია მხოლოდ 10 მატჩში გამოჩნდა და საშუალოდ მოედანზე 21 წუთს ატარებს. შესაბამისად გუნდის დატოვების წინააღმდეგი არც ანდრეა უნდა იყოს. ფეხბურთელის სატრანსფერო ღირებულება 7.5 მილიონ ევროს შეადგენს.