ინგლისის ჩემპიონშიპის უელსური კლუბი “კარდიფი”, ფინანსური ფეირ პლეის დარღვევის გამო ახალ ფეხბურთელებს ვერ გაიფორმებს.
“ბოლტონის”, “ფულემისა” და “ნოტინგემ ფორესტის” შემდეგ, ის ამ ლიგის მეოთხე გუნდია, რომელსაც ტრანსფერები აუკრძალეს. BBC-ის ცნობით, ემბარგო სატრანსფერო ფანჯრის დახურვამდე გაგრძელდება.
კლუბში აცხადებენ, რომ მათ ამ ლიგისთვის განკუთვნილი ფინანსური ფეირ პლეის მოთხოვნები შეასრულეს და აპელაციის შეტანას გეგმავენ. შეგახსენებთ, რომ “კარდიფს” 6 მილიონი გირვანქა სტერლიგის ოდენობის დანაკარგის დეკლარირების უფლება მისცეს, მაგრამ მათ 13-მილიონიანი დანაკარგის შესახებ განაცხადეს.
