ინგლისის ჩემპიონატში გასული თვის საუკეთესო მწვრთნელისა და ფეხბურთელის წოდება “უოტფორდელებს” ერგოთ. პრემიერლიგის ოფიციალური ვებგვერდის ცნობით, დეკემბრის საუკეთესო ფეხბურთელი ოდიონ იგალოა, ხოლო მწვრთნელი კიკე სანჩეს ფლორესი.

გასულ თვეში “უოტფორდმა” 5 შეხვედრა ჩაატარა. “ლოსებმა” “ნორვიჩი”, “სანდერლენდი” და “ლივერპული” დაამარცხეს, “ჩელსისთან” ფრედ ითამაშეს, ხოლო “ტოტენჰემთან” დაძაბულ ბრძოლაში დამარცხდნენ. იგალომ ხუთივე შეხვედრაში ითამაშა და ამდენივე გოლის გატანა მოახერხა.

“უოტფორდი” 21 ტურის შემდეგ 29 ქულით მე-10 ადგილზეა.