ქართველი ჩოგბურთელი ალექსანდრე მეტრეველი ტაილანდის დედაქალაქ ბანგკოკში მიმდინარე ჩელენჯერს (საპრიზო ფონდი 50 ათასი დოლარი) მეოთხედფინალში გამოეთიშა.

მეტრეველმა ორ მეტოქეს სძლია, მე-3 ნომრად განთესილ ტაივანელ ჯეისონ ჯუნგს კი სათანადო წინააღმდეგობა ვერ გაუწია და 3:6, 3:6 წააგო.

მიუხედავად ამისა, გასული ტურნირი ალექსანდრეს აქტივს უნდა მივათვალოთ. მან ბანგკოკში 17 სარეიტინგო ქულა გამოიმუშავა და განახლებულ კლასიფიკაციაში საუკეთესო სამასეულში შეაღწევს, რაც მისი პირადი რეკორდი იქნება.