იტალიური “მილანის” ბრაზილიელი ფორვარდი ლუის ადრიანო კარიერას ჩინურ “ჯიანგსუ საინტიში” გააგრძელებს. Sky Sport-ის ინფორმაციით, აზიელებს სამხრეთ ამერიკელი თავდამსხმელის შეძენა 14 მილიონი ევრო დაუჯდათ, ხოლო თავად ადრიანო ანაზღაურების სახით სეზონში 6 მილიონ ევროსა და პრემიებს მიიღებს, რომელიც თითქმის 2 მილიონს აღწევს.
ლუის ადრიანო, რომელიც ბოლო წლებში დონეცკის “შახტარის” საუკეთესო გოლეადორი იყო, “მილანში” გასულ ზაფხულს ჩაირიცხა, მაგრამ “როსონერის” რიგებში ფეხი ვერ მოიკიდა და იტალიის ჩემპიონატში ჩატარებულ 18 მატჩში მხოლოდ 3 გოლის გატანა შეძლო.
