ესპანეთის პრიმერადივიზიონის დეკემბრის თვის საუკეთესო ფეხბურთელად ლა კორუნიის “დეპორტივოს” თავდამსხმელი ლუკას პერესი დასახელდა. 27 წლის ფორვარდს პრიზი ლა ლიგის დირექტორმა ხოსე ლუის სერანომ გადასცა.

პერესმა, რომელიც კარიერაში საუკეთესო სეზონს ატარებს, დეკემბერში ლა ლიგაში 4 თამაში ჩაატარა და მეტოქეთა კარში 3 გოლი გაიტანა “ეიბარის”, “ბარსელონასა” და “სევილიას” კარში. მთლიანად მიმდინარე სეზონში კი 18 ჩატარებულ შეხვედრაში თავი 12-ჯერ გამოიჩინა.