სასიხარულო ინფორმაცია ნაციონალური საკალათბურთო ასოციაციიდან. ნბა-ს ყველა ვარსკვლავის მეორე და ბოლო საშუალედო შედეგების თანახმად, “დალას მავერიქსის“ ქართველი ფორვარდი ზაზა ფაჩულია 194 421 ხმით დასავლეთ კონფერენციის წინახაზელთა შორის მე-8 ადგილზეა.
აღსანიშნავია, რომ 25 დეკემბერს გამოქვეყნებულ საშუალედო შედეგებში ფაჩულია ათეულშიც კი არ იყო. ზაზას კონკურენტებს შორის მე-10 ადგილზე 42 ათასი ხმით კევინ გარნეტი იყო, ხოლო უშუალოდ ქართველის ხმათა რაოდენობა (ათეულში ვერმოხვედრის გამო) საზოგადოებისთვის ცნობილი არ იყო. დღეს კი, შედეგები რადიკალურად განსხვავებულია. ზაზამ 10-ეულში შეაბიჯა და სადღეისოდ მე-8 ადგილზე იმყოფება.
ფაჩულია დაახლოებით 4 300 ხმით უსწრებს საკრამენტოელ სუპერვარსკვლავ დემარკუს ქაზენსს, 11 000-ით – ოკლაჰომელ ენეს კანტერს, ხოლო სანანტონიეოლ ლამარკუს ოლდრიჯს მთელი 72 000 ხმით ჯობნის. ზაზას კონკურენტია მისი თანაგუნდელი დიკრ ნოვიცკი, რომელიც მე-13 ადგილზეა და ზაზას მთელი 95 000 ხმით ჩამორჩება.
ფაჩულიას ნომინაციაში პირველ ადგილზეა კობი ბრაიანტი 1 262 118 ხმით. ამ შედეგით კობი მთელი გამოკითხვის ლიდერია. მეორე პოზიციაზე დასავლეთ კონფერენციის უკანახაზელთა ლიდერი სტივ კარია (925 789 ხმა).
შეგახსენებთ, რომ გამოკითხვის შედეგად, 10 კალათბურთელი უნდა შეირჩეს, რომლებიც აღმოსავლეთ და დასავლეთის კონფერენციის გუნდების ხუთეულებს შეავსებენ. ოლ სტარის გუნდების დანარჩენ 7-7 კალათბურთელს კი მწვრთნელები დაასახელებენ.
გამოკითხვის თანახმად, თითოეული კონფერენციის წინახაზელებიდან 3-3 საუკეთესო მოხვდება ხუთეულში, ხოლო უკანახაზელებიდან – საუკეთესო 2-2 კალათბურთელი. გამოკითხვა 18 იანვრამდე გაგრძელდება, ხოლო უშუალოდ ოლ სტარი 14 თებერვალსაა დაგეგმილი.
აღმოსავლეთ კონფერენცია
წინახაზელები
- ლებრონ ჯეიმსი (კლივლენდი) 636 388 ხმა
- პოლ ჯორჯი (ინდიანა) 457 554
- ანდრე დრამონდი (დეტროიტი) 261 158
აღმოსავლეთ კონფერენცია
უკანახაზელები
- დუეინ ვეიდი (მაიამი) 562 558
- კაირი ირვინგი (კლივლენდი) 271 094
- კაილი ლოური (ტორონტო) 242 276
დასავლეთ კონფერენცია
წინახაზელები
- კობი ბრაიანტი (ლეიკერსი) 1,262,118
- კევინ დიურანტი (ოკლაჰომა) 616,096
- დრეიმონდ გრინი (გოლდენ სტეიტი) 332,223
- კავაი ლეონარდი (სან ანტონიო) 330,929
- ბლეიკ გრიფინი (კლიპერსი) 298,212
- ენტონი დევისი (ნიუ ორლეანი) 261,491
- ტიმ დანკანი (სან ანტონიო) 228,995
- ზაზა ფაჩულია (დალასი) 194,421
დასავლეთ კონფერენცია
უკანახაზელები
- სტივ კარი (გოლდენ სტეიტი) 925,789
- რასელ ვესტბრუკი (ოკლაჰომა) 479,512
- კრის პოლი (კლიპერსი) 268,672
შეგახსენებთ, ხმის მიცემის რამდენიმე პროცედურას:
1) შედით ბმულზე: http://vote.nba.com/?iref=asv16_intlsearchbar&cid=asv16_intlsearchbar და მხარი დაუჭირეთ საქართველოს ნაკრების კაპიტანსა და “დალას მავერიქსის“ ერთ-ერთ ლიდერ ზაზა ფაჩულიას ნბა-ს ოლ სტარში მოსახვედრად.
თუ არ ხართ nba.com-ზე ექაუნთის მფლობელი, რეგისტრაცია გაიარეთ ბმულზე: https://secure.nba.com/membership/user/register/
2) ხმის მიცემა (დღეში ერთხელ) შესაძლებელია ფეისბუქიდან. ხმის მიცემის პროცედურა ამ შემთხვევაში უფრო მარტივია. სტატუსში ვწერთ #nbavote zaza pachulia და ვპოსტავთ.
3) შედიხართ საიტზე google.com საძიებო სისტემაში ვწერთ nba vote mavs, რის შემდეგაც სისტემა მოძებნის “დალასის“ შემადგენლობას. მოვნიშნავთ ზაზა ფაჩულიას და ვაჭერთ submit vote. როგორც სხვა დანარჩენ შემთხვევებში, ხმის მიცემა აქაც შესაძლებელია დღეში ერთხელ.
4) ანალოგიური გზით ხმის მიცემა შეუძლიათ twitter-ის მომხმარებლებსაც.
იაქტიურეთ და მხარი დაუჭირეთ ზაზა ფაჩულიას!!!
www.gbf.ge
