კატალონიის “ბარსელონას” მთავარ მწვრთნელ ლუის ენრიკეს მადრიდის “რეალიდან” რაფაელ ბენიტესის გათავისუფლება არ გაკვირვებია. ამის შესახებ ენრიკემ ესპანურ მედიას განუცხადა.

“ბენიტესის გათავისუფლება ჩემთვის სიურპრიზი არ ყოფილა. თანამედროვე ფეხბურთში ეს ჩვეულებრივი მოვლენაა”, - თქვა ესპანელმა სპეციალისტმა.

მანვე “სამეფო კლუბის” ახალ თავკაც ზინედინ ზიდანზეც გააკეთა კომენტარი:

“არ შემიძლია შევაფასო ზიდანი, როგორც მწვრთნელი. როგორც ფეხბურთელი კი მის მიმართ წყენა და აღშფოთება არ მაქვს”, - დასძინა ლუის ენრიკემ.

შეგახსენებთ, “რეალში” ბენიტესი ზიდანმა 4 იანვარს, გვიან საღამოს ჩაანაცვლა და “ბლანკოსს” სეზონის დარჩენილ ნაწილში სწორედ ფრანგი სპეციალისტი უხელმძღვანელებს.