ინგლისური პრემიერლიგის მიმდინარე სეზონის მთავარმა სენსაციამ “ლესტერმა” ზამთრის სატრანსფერო ფანჯრის გახსნისთანავე პირველი ტრანსფერი გაჩარხა. “მელიების” ოფიციალური ვებგვერდის ცნობით, “ბირმინგემის” აწ უკვე ყოფილი ვინგერი დემარეი გრეი “კინგ პაუერ სთედიუმზე” ითამაშებს.

19 წლის ფეხბურთელი “მელიების” ღირსებას 2020 წლის 30 ივნისამდე დაიცავს. არაოფიციალური ცნობის მიხედვით, ტრანსფერის ღირებულება 3.57 მილიონი ევროა.

გრეიმ მიმდინარე ჩემპიონატში 24 შეხვედრა ჩაატარა და თითო გოლით და საგოლე გადაცემით გამოირჩა.