“ლესტერის” თავდამსხმელი ჯეიმი ვარდი გარკვეული პერიოდით თამაშგარეთ დარჩება. BBC-ის ცნობით, მას საზარდულზე მცირე ოპერაციის გაკეთება მოუწევს და ერთ, ან ორ კვირას გამოტოვებს.

“ლესტერს” უახლოესი ორი თამაში ლონდონის “ტოტენჰემთან” ელის - 10 იანვარს თასზე და 14-ში პრემიერლიგაში. ვარდის სათასო მატჩში მონაწილეობა გამორიცხულია და ექიმები ჯერჯერობით ვერ ადასტურებენ, შეძლებს თუ ვერა ის ლონდონელების წინააღმდეგ ჩემპიონატში თამაშს.

28 წლის ვარდიმ პრემიერლიგაში ჩატარებულ 20 მატჩში 15 გოლი გაიტანა. 2 იანვარს, “ბორნმუთთან” მატჩში (0:0) მან მოედანზე 90 წუთი გაატარა.