ლვოვის “კარპატის” ქართველმა ლეგიონერმა ბუბა დაუშვილმა განაცხადა, რომ ზაფხულში ევროპის ლიგაზე გასვლა სურს.
“სეზონის წინ ხუთეულში მოხვედრა დაგვისახეს მიზნად. ამჟამად მერვე პოზიციაზე ვართ და ქულებით მაინცდამაინც დიდად არ ჩამოვრჩებით სხვა გუნდებს. შეგვიძლია, რომ მეორე წრე უკეთ ჩავატაროთ და ევროპის ლიგაზე გასასვლელ ზონაში მოვხვდეთ. უკრაინის ჩემპიონატში “დინამო” და “შახტარი” ბევრად წინ არიან სხვებზე, თუმცა ჩვენ ჩვენი მიზანი გვაქვს.
...რაც შეეხება ჩემს კონტრაქტს, გაისად მაისში დამისრულდება და თავისუფალი აგენტი გავხდები. შევიცვლი თუ არა კლუბს? არ გამოვრიცხავ. საქმე ისაა, რომ ამ ეტაპზე არანაირი კონკრეტული შემოთავაზება არ მაქვს. ვნახოთ, სატრანსფერო ფანჯრის გახსნისას რა მოხდება”. – უთხრა დაუშვილმა “კარპატის” ოფიციალურ საიტს.
