სუპერლიგის მონაწილე ,,რუსთავის’’ აწ უკვე ყოფილი წევრი, გამთამაშებელი ბექა წივწივაძე ყოფილ კლუბს ,,ვითას’’ დაუბრუნდა. ამის შესახებ ,,მსოფლიო სპორტს’’ ,,რუსთავის’’ პრეს სამსახურის წარმომადგენელმა ნათია ჯიოშვილმა განუცხადა.
შეგახსენებთ, რომ წივწივაძემ 2015-16 წლების სეზონისათვის მზადება ვთბ-ლიგის მონაწილე ,,ვითაში’’ დაიწყო, რომელიც მიმდინარე სეზონის დაწყებამდე დატოვა და ,,რუსთავში’’ ჩაირიცხა. თუ რამდენად შეძლებს წივწივაძე ,,ვითას’’ დახმარებას, რომელსაც ზედიზედ 13 შეხვედრა აქვს წაგებული და ბოლო ადგილზე იმყოფება, ამას მომავალი გვიჩვენებს.