ლონდონის “ჩელსის” აწ უკვე ყოფილმა მთავარმა მწვრთნელმა ჟოზე მოურინიომ იტალიური “რომას” გაწვრთნა არ ისურვა. როგორც Sport Mediaset-ი იტყობინება, რომაული კლუბის წარმომადგენლები პორტუგალიელ სპეციალისტს “ჩელსიდან” მისი დათხოვნისთანავე დაუკავშირდნენ, თუმცა უარი მიიღეს. ამის მიზეზად სახელდება ის, რომ მოურინიო ევროპული გრანდებისგან ელის წინადადებებს. უფრო კონკრეტულად, ვარაუდობენ, რომ პორტუგალიელი უახლოეს პერიოდში სათავეში “მანჩესტერ იუნაიტედს” ჩაუდგება.
