ლონდონის “ჩელსის” გარემარბი პედრო როდრიგესი ზამთრის სატრანსფერო პერიოდში შესაძლოა სამშობლოში დაბრუნდეს – იუწყება Football Espana.

აღნიშნული წყაროს ცნობით, 28 წლის ფეხბურთელის დამატება მადრიდის “ატლეტიკოს” სურს. დიეგო სიმეონეს ზამთარში გუნდის შეტევაში გაძლიერება უნდა და პედროს კანდიდატურას სერიოზულად განიხილავს.

პედრო “ჩელსიში” გასულ ზაფხულს “ბარსელონადან” გადავიდა და ამ დროის განმალობაში ჩატარებულ 17 შეხვედრაში 2 გოლი გაიტანა და 3 საგოლე გადაცემა მიითვალა.

ესპანელს “არისტოკრატებთან” მოქმედი კონტრაქტი 2019 წლამდე აკავშირებს და 25 მილიონ ევროდაა შეფასებული.