ესპანური გამოცემა Marca-ს ცნობით, მადრიდის “რეალის” ყოფილი მთავარი მწვრთნელი კარლო ანჩელოტი მიუნხენის “ბაიერნის” თავკაცის პოსტზე ხოსეპ გვარდიოლას შეცვლის.
გამოცემის ინფორმაციით, გვარდიოლამ გერმანულ კლუბს ახალი კონტრაქტის გაფორმებაზე უარი უთხრა, რომლის თანახმადაც სეზონის განმავლობაში ანაზღაურების სახით 20 მილიონი უნდა მიეღო.
წყაროს მტკიცებით, ასეთ სიტუაციაში “ბაიერნს” მყარად აქვს გადაწყვეტილი, რომ გუნდი იტალიელ სპეციალისტს ჩააბაროს და წინასწარ შეთანხმებაზე ხელი უკვე მოწერილია. ეს ინფორმაცია ავტორიტეტულმა ესპანელმა ჟურნალისტმა ბალაგმა საკუთარ “თვითერზე” დაადასტურა:
“ბაიერნში” გვარდიოლას ანჩელოტი შეცვლის. შეთანხმება სამწლიანია”.
