“ფულჰემის” ახალგაზრდა თავდამსხმელით მუსა დემბელეთი “ნაპოლი”, “ევერტონი” და “მანჩესტერ იუნაიტედი” ინტერესდებიან. აღნიშნულ ინფორმაციას ცნობილი ბრიტანული გამოცემა Daily Mail–ი ავრცელებს.

19 წლის ფრანგი ფორვარდი შესანიშნავად თამაშობს და ჩემპიონშიფში დიდხანს აღარ გააჩერებენ. მას “ფულჰემთან” მოქმედი ხელშეკრულება სეზონის ბოლოს ეწურება.

მუსამ მიმდინარე სეზონში 22 შეხვედრა ჩაატარა, 10 გოლი გაიტანა და 2 საგოლე გადაცემა მიითვალა.