გაიმართა უეფას ჩემპიონთა ლიგის მერვედფინალების წილისყრა. განსაკუთრებული წყვილებია “არსენალი” – “ბარსელონა”, პსჟ – ‘ჩელსი” და “იუვენტუსი” – “ბაიერნი”. აი, მართლაც რომ სუპერწყვილები.

არსენ ვენგერის გუნდს, როგორც ხშირად ხდება, არ უმართლებს წილისყრაში და უკვე მერამდენედ ხვდება ფლეი-ოფში “ბარსელონას”. პსჟ-“ჩელსი” წინა სეზონშიც მერვედფინალში შეხვდნენ ერთმანეთს და პარიზელებმა დამატებით დროში გატეხეს ლონდონელები.

გაუმართლა “ვოლფსბურგს”, რომელსაც ბელგიური “გენტი” შეხვდა. აქვე, ყველა წყვილზე:

დინამო კიევი (უკრაინა) – მანჩესტერ სიტი (ინგლისი)

ბენფიკა (პორტუგალია) – ზენიტი (რუსეთი)

გენტი (ბელგია) – ვოლფსბურგი (გერმანია)

არსენალი (ინგლისი) – ბარსელონა (ესპანეთი)

პსჟ (საფრანგეთი) – ჩელსი (ინგლისი)

იუვენტუსი (იტალია) – ბაიერნი (გერმანია)

პსვ (ჰოლანდია) – ატლეტიკო (ესპანეთი)

რომა (იტალია) – რეალი (ესპანეთი)

16/17 და 23/24 თებერვალს იქნება პირველი მატჩები, ხოლო 8/9 და 15/16 მარტს – საპასუხოები. შეგახსენებთ, ფინალი 28 მაისს მილანის “სან სირიზე” გაიმართება.