“შარლოტ ბობქეთსის” ცენტრი ელ ჯეფერსონი 5-მატჩიანი დისკვალიფიკაციით დაისაჯა. ეროვნული საკალათბურთო ასოციაციის ხელმძღვანელობამ ეს გადაწყვეტილება კალათბურთელის მიერ ანტიდოპინგური პროგრამის დარღვევისთვის, კერძოდ კი, მარიხუანის მოხმარებისთვის მიიღო.

ცნობისთვის, ამჟამად, ჯეფერსონს მარცხენა ფეხის ტრავმა აქვს და მოედანზე ისედაც ვერ გადის, ამდენად, სასჯელის ათვლა მოგვიანებით დაიწყება. მიმდინარე სეზონში შარლოტელის საშუალო მონაგარი 13.7 ქულა, 6.4 მოხსნა, 1.1 დაფარება და 1.8 პასია.