ესპანეთის პროფესიონალურმა ლიგამ ლა ლიგის ნოემბრის საუკეთესო მწვრთნელად მადრიდის “ატლეტიკოს” თავკაცი დიეგო სიმეონე დაასახელა.

არგენტინელი სპეციალისტის ხელმძღვანელობით, “როხიბლანკომ” ლა ლიგაში გასულ თვეში სამი მატჩი ჩაატარა და სამივე ერთნაირი ანგარიშით 1:0 მოიგო. მადრიდელებმა შინ “ესპანიოლსა” და “ხიხონს” სძლიეს, ხოლო “ბეტისი” გასვლაზე დაამარცხეს.

“ატლეტიკო” ესპანეთის ჩემპიონატში 14 ტურის შემდეგ მე-2 ადგილს იკავებს და ლიდერ “ბარსელონას” 2 ქულით ჩამორჩება, ხოლო უახლოეს მდევარს, თანაქალაქელ “რეალს” ასევე 2 ქულით უსწრებს.