კატალონიის “ბარსელონას” ბრაზილიელი მცველი დანი ალვეში მიიჩნევს, რომ პორტუგალიელი კრიშტიანუ რონალდუ “ოქროს ბურთის” სამ ნომინანტს შორის ყოფნას არ იმსახურებს.
“მესი ამ დროისთვის ყველაზე წინაა, რადგან მას თამაშის სცენარის შეცვლა შეუძლია. მის მერე კი ნეიმარი მოდის. სწორედ ისაა მსოფლიოში ნომერ მეორე ფეხბურთელი. კრიშტიანუ რონალდუ კი სამეულში ყოფნასაც არ იმსახურებს, რადგან მსოფლიოს საუკეთესო ფეხბურთელს გოლების გატანის გარდა, თამაშზე გავლენის მოხდენაც უნდა შეეძლოს”, - უთხრა დანი ალვეშმა ესპანურ გამოცემა “ასს”.
შეგახსენებთ, 2015 წლის მსოფლიოს საუკეთესო ფეხბურთელის პრიზი ლიონელ მესის, კრიშტიანუ რონალდუსა და ნეიმარს შორის ერთ-ერთს გადაეცემა.
