ინგლისური “მანჩესტერ იუნაიტედის” კაპიტანი უეინ რუნი ტრავმირებულია. ამის შესახებ “მანკუნიანელთა” მთავარმა მწვრთნელმა ლუის ვან გაალმა “ვესტ ჰემთან” მატჩისწინა პრესკონფერენციაზე განაცხადა. სწორედ აღნიშნული შეხვედრა გაუცდება ინგლისელ თავდამსხმელს ტერფის ტრავმის გამო.
“რუნის დაზიანება უარესი სირთულის გამოდგა, ვიდრე ველოდით”, - თქვა ვან გაალმა.
გარდა რუნისა, “ჩაქუჩებთან” თამაშში “იუნაიტედს” არგენტინელი მცველი მარკოს როხოც დააკლდება, რომელსაც მხრის ტრავმა აწუხებს.
რუნი კი გასულ უქმეებზე “ლესტერთან” (1:1) მატჩში დაშავდა და 68-ე წუთზე შეცვალეს.
