ლეგენდარული ახალზელანდიელი მორაგბე ჯონა ლომუ, რომელიც 40 წლის ასაკში 18 ნოემბერს მოულოდნელად გარდაიცვალა, უკანასკნელ გზაზე საკადრისი პატივით გააცილეს.
ლეგენდასთან გამოსამშვიდობებლად “იდენ პარკზე” ვეტერანი მორაგბეები და რაგბის გულშემატკივრები შეიკრიბნენ. ყოფილი “ოლ ბლექსი” უკანასკნელად გავიდა მოედანზე და მეგობრები და “ოლ ბლექსის” სხვადასხვა თაობის წარმომადგენლები მას ამაღელვებელი ჰაკათი შეეგებნენ და... სამუდამოდ გამოემშვიდობნენ.
