ესპანეთის ეროვნული ნაკრებისა და მადრიდის “რეალის” მცველი დანიელ კარვახალი ესპანეთის პრიმერა დივიზიონის მე-13 ტურში “ეიბართან” 2:0 მოგებულ შეხვედრაში დაშავდა და მოედანი ვადაზე ადრე დატოვა.

Marca-ს ცნობით, 23 წლის ფეხბურთელს კუნთების გადაღლა აწუხებს და 85-ე წუთზე კარიმ ბენზემამ ამის გამო შეცვალა.

ვარაუდობენ, რომ კარვახალი 3 დეკემბერს ესპანეთის თასზე “კადისთან” გასამართ მატჩს გამოტოვებს. სამაგიეროდ, შაბათს პრიმერა დივიზიონის მე-14 ტურში “ხეტაფესთან” სათამაშოდ მზად უნდა იყოს.