ლონდონის “ჩელსის” პორტუგალიელი თავკაცის ჟოზე მოურინიოს აზრით, მისი გუნდის ბელგიელი შემტევი ედენ აზარი კლასიკური 10 ნომრის მოთამაშე არაა. “განსაკუთრებული” მიიჩნევს, რომ მის შეგირდთაგან ამ პოზიციაზე საუკეთესოები ვესლი სნეიდერი და დეკუ სოუზა იყვნენ.

“არამგონია, ედენ აზარი 10 ნომერი იყოს. ამ პოზიციაზე განსხვავებული სტილის ფეხბურთელები თამაშობენ და ჩემთვის მას განსაკუთრებული დატვირთვა აქვს. კერძოდ, 10 ნომერი ჩემი გუნდის უმნიშვნელოვანესი ფეხბურთელი უნდა იყოს. მას უნდა გაჰქონდეს გოლები, არიგებდეს საგოლე გადაცემებსა და ქმნიდეს სახიფათო მომენტებს. “ჩელსიში” ასეთი უფრო ოსკარია, ვიდრე აზარი.

საუკეთესო 10 ნომერი ჩემთვის? – ვესლი სნეიდერი და დეკუ. იმიტომ, რომ მათ შეეძლოთ გოლის გატანაც და დაცვაში კარგი თამაშიც”, - თქვა მოურინიომ.