იტალიური “უდინეზეს” ლეგენდარული თავდამსხმელი ანტონიო დი ნატალე კარიერის დასრულებას მიმდინარე წლის ბოლოს აპირებს. აღნიშნულ ინფორმაციას ავტორიტეტული გამოცემა “კორიერე დელო სპორტი” ავრცელებს. თუ იტალიურ მედიას დავუჯერებთ, 38 წლის ტოტო დიდი ფეხბურთიდან წასვლას 20 დეკემბერს, “ტორინოსთან” მატჩის შემდეგ გეგმავს. თუ ასე მოხდა, მაშინ დი ნატალეს უდინურ კლუბთან ორმხრივი შეთანხმების საფუძველზე კონტრაქტის გაწყვეტა მოუწვეს, რადგან იგი 2016 წლის ზაფხულამდეა გაფორმებული.
მიმდინარე სეზონში ვეტერანმა იტალიელმა მხოლოდ 11 თამაში ჩაატარა და თავი ერთადერთხელ გამოიჩინა. ჯამში კი იტალიის ელიტარულ ლიგაში 208 გოლი აქვს გატანილი.
