გიორგი პაპუნაშვილმა ბრემენის “ვერდერის” მთავარ გუნდთან ერთად ივარჯიშა. “მუსიკოსთა” მთავარმა მწვრთნელმა ვიქტორ სკრიპნიკმა 17 და 19-წლამდე გუნდებიდან ძირითად გუნდში 12 ფეხბურთელი დააწინაურა და ავარჯიშა. მათ შორის ერთ-ერთი 20 წლის ქართველი შემტევი გახლდათ.

ბოლო დროს გიორგის “ვერდერის” მეორე გუნდის ძირითად შემადგენლობაში მოხვედრა არ უჭირს და რამდენიმე ხნის წინ სადებიუტო გოლიც შეაგდო. ამასთან, უკვე ორჯერ მოხვდა მესამე ლიგის სიმბოლური ნაკრებში. ბოლოს კი, ასეთი რამ გასულ უქმეებზე მოხდა.