ლონდონის “ჩელსის” მცველმა ჯონ ტერიმ ჩემპიონთა ლიგაზე 108-ე მატჩი ჩაატარა და ინგლისელ ფეხბურთელთა შორის აღნიშნულ ტურნირზე მატჩების რაოდენობის მხრივ ენდი კოულს გაუთანაბრდა.
თელ ავივის “მაკაბისთან” მოგებულ (4:0) შეხვედრაში ტერიმ თამაში სასტარტო შემადგენლობაში დაიწყო და 72-ე წუთზე ტრავმის გამო შეცვალეს.
“არისტოკრატთა” მცველს ერთი მატჩი აშორებს, რათა მეორეადგილოსან გარი ნევილს გაუთანაბრდეს. ინგლისელთა შორის ჩემპიონთა ლიგაზე ყველაზე მეტი მატჩი პოლ სქოულზის (124) აქვს ჩატარებული.
