ირანის ქალ ფეხბურთელთა ნაკრების კაპიტანი ნილუფარ არდალანი ქმრის აკრძალვის მიუხედავად მსოფლიოს ჩემპიონატზე გვატემალაში გაემგზავრება. ცოლ ქმრის უთანხმოების საკითხი სასამართლომდე მივიდა და ქალ ფეხბურთელს ქვეყნის ერთჯერადად დატოვების ნებართვა მისცეს.
მსგავსი პრობლემის წინაშე არდალანი აქამდეც ყოფილა. როგორც ირკვევა, ამ მიზეზით გამოტოვა ირანელთა კაპიტანმა აზიის ჩემპიონატი, რადგან მაშინ ქმარმა ჩათვალა, რომ ქალი სახლში უნდა ყოფილიყო, როცა მათი 7 წლის ვაჟი სკოლაში პირველად მიდიოდა.
