მცირე პაუზის შემდეგ, ვაჟთა შორის საქართველოს პირველი ჩოგანი ნიკოლოზ ბასილაშვილი კორტს უბრუნდება და ძალებს იტალიურ ანდრიაში მოსინჯავს, სადაც მორიგი ჩელენჯერი (საპრიზო ფონდი 42 500 დოლარი) იმართება.

ბასილაშვილი პირველ ნომრად არის განთესილი და სამშაბათს, საწყის რაუნდში, ირლანდიელ ჯეიმს მაკგის ეთამაშება. ცნობისთვის, ქართველს პროფესიონალ ჩოგბურთელთა ასოციაციის (ATP) რეიტინგში 602 ქულით 93-ე ადგილი უკავია, ირლანდიელი კი 246 ქულით 204-ეა.

ისიც ვთქვათ, რომ ANDRIA E CASTEL DEL MONTE CHALLENGER-ის გამარჯვებული აქტივს 90 ქულას შემატებს.