ინგლისის “ლივერპულის” მთავარი მწვრთნელი იურგენ კლოპი პრემიერლიგის მე-13 ტურის მატჩს მანჩესტერში, ლიდერ “სიტისთან”, იმედიანად ხვდება.

გერმანელი სპეციალისტი ამბობს, რომ ფული მთავარი არაა და მისი გუნდი სასურველი შედეგის მიღწევას შეძლებს.

“ლივერპულს” შესწევს იმის ძალა, რომ “მანჩესტერ სიტი” დაამარცხოს. “ბორუსიაში” მუშაობისას ჩვენ ის ჩემპიონთა ლიგაზე დორტმუნდში დავამარცხეთ, ხოლო მანჩესტერში ფრედ ვეთამაშეთ. მათ მაშინაც ჰქონდათ დიდი ფული, მაგრამ ეს მთავარი არაა. ფული წარმატების მხოლოდ ნაწილია, დანარჩენი კი, მუშაობას მოაქვს” - ამბობს კლოპი.

“ლივერპული”, რომელიც სატურნირო ცხრილში მე-10 ადგილზეა, “სიტის” დღეს ეთამაშება. შეხვედრა თბილისის დროით 21:30 საათზე იწყება.