მადრიდის “რეალის” მთავარმა მწვრთნელმა რაფაელ ბენიტესმა კატალონიის “ბარსელონასთან” დაპირისპირებამდე პრესკონფერენციაზე განაცხადა, რომ ყველა ფეხბურთელი მწყობრში ყავს.
ესპანელმა სპეციალისტმა დაადასტურა, რომ ქარიმ ბენზემა გაფართოებულ შემადგენლობაში იქნება, თუმცა ფრანგი მოთამაშის მომავალ მატჩში მონაწილეობა კვლავ კითხვის ნიშნის ქვეშ დგას.
“ბენზემა შემადგენლობაშია. იგი კარგად ვარჯიშობს და ხვალ გადავწყვეტთ ითამაშებს თუ არა. რამოსი “ელ კლასიკოში” მონაწილეობას მიიღებს, იგი კაპიტანია და ჩვენ გვერდით იქნება. კეილორ ნავასიც ფორმაში შედის და შემადგენლობაში იქნება. მიმდინარე სეზონში ეს იქნება მეორე შემთხვევა, როდესაც თითქმის ყველა ფეხბურთელი მწყობრში მეყოლება. რა საკვირველია, უძლიერეს გუნდს ვეთამაშებით და ფეხბურთელები მოტივირებულნი არიან.” – განაცხადა ესპანელმა სპეციალისტმა.
მადრიდის “რეალის” და კატალონიის “ბარსელონას” დაპირისპირება “სანტიაგო ბერნაბეუზე” 21 ნოემბერს 21:15 საათზე დაიწყება.
